Hver er Guðmundur Björgvin?

-
Guðmundur Björgvin Gylfason heiti ég fullu nafni og er fæddur í Reykjavík 3. janúar 1972. Hef búið á Selfossi frá árinu 1991, er giftur Kristínu Björk Jóhannsdóttur deildarstjóra í sérdeild Suðurlands og eigum við saman fjögur börn og eitt barnabarn.

Menntun, starfsferill og trúnaðarstörf:

  •          Vann við smíðar að loknu námi í húsasmíði.
  •          Starfaði í þjónustuíbúðum fyrir fatlað fólk og varð síðar forstöðumaður þar.
  •          Lauk grunnskólakennaraprófi haustið 1999.
  •        Starfaði við kennslu í grunnskóla í 11 ár sem umsjónarkennari, kenndi stærðfræði, samfélagsgreinar, smíði, heimilisfræði og sérkennslu.
  •      Lauk námi í sérkennslu vorið 2009.
  •          Hef starfað við kennslu á starfsbraut,  í Fjölbrautaskóla Suðurlands frá árinu 2009.
  •         Hef setið í stjórnum þriggja sjóða KÍ; Orlofssjóði, vinnudeilusjóði og nú varamaður í stjórn sjúkrasjóðs. Frá árinu 2016 hef ég sinnt formennsku í Kennarafélagi Fjölbrautaskóla Suðurlands og verið trúnaðarmaður frá árinu 2014.
  •         Hef verið formaður Einstakra barna, barna með sjaldgæfa sjúkdóma og heilkenni frá árinu 2012.  Auk þess sinnti ég formennsku í Umhyggju eitt kjörtímabil 2016 - 17.


Ég hef unnið ólík störf, verið virkur í félagsstarfi bæði innan stéttarfélaga og frjálsra félagasamtaka. 

Ég tel að reynsla mín og þekking eigi eftir að koma sér vel í formennsku fyrir Félag framhaldsskólakennara. 

Ummæli

Skrifa ummæli

Vinsælar færslur af þessu bloggi

Tíðindi dagsins

-
Mynd
Alþýðusamband Íslands ákvað í dag að segja ekki upp kjarasamningum þrátt fyrir að 75% félagsmanna telji forsendubrest algjöran sem eigi að leiða til uppsagnar. Það má leiða að því líkum að forystan sé ekki í tengslum við félagsmenn. Félagsmenn eru eru tilbúnir að láta sverfa til stáls en forystan telur tímann ekki réttan. Hvenær er rétti tíminn? Er ekki kominn tími á að hlusta á félagsmenn en lúta ekki alltaf vilja viðsemjenda? Þetta minnir um margt á vinnubrögð sem viðhöfð hafa verið undanfarið kjörtímabil í Félagi framhaldsskólakennara. Formaður og stjórn eru ekki að ganga í takt við vilja félagsmanna og samþykktir aðalfunda: - Félagsmenn vilja ekki vinnumat, forystan vill festa það en betur í sessi. - Félagsmenn vilja lýðræðislegri vinnubrögð í ákvarðanatöku, forystan tekur ákvarðanir án heimilda. Við félagsmenn í FF gerum kröfu um breytt vinnubrögð, sýnum það með skýrum hætti í kosningum 5.- 9. mars. Kjósum Guðmund Björgvin og tryggjum breytingar í Félagi framhaldsskól
Lesa meira

Vinnumat...og hvað svo?

-
Mynd
                                            Vinnumat framhaldsskólakennara hefur verið ein af ástæðum mikils ósættis innan stéttarinnar. Það er staðfest í könnun meðal félagsmanna FF, að þeir vilja vinnumatið burt. Ekki hefur verið vilji fyrir því að leyfa okkur að kjósa um framtíð vinnumatsins eins og sér, heldur eigum við að kjósa um kjarasamning í heild sinni. Hvaða atriði eru það sem framhaldsskólakennarar eru helst ósáttir við í tengslum við vinnumatið og þarf að beyta ef við getum ekki losnað við það? - Fjöldi nemenda í hópum er of mikill, hér þarf að lækka viðmiðin. Sé fyrir mér að hámarksfjöldi í bóklegum áfanga verði 22 nemendur og geti að hámarki verið 25. Nemandi 23 - 25 sé metinn með sanngjörnum hætti, mun betur en gert er í núverandi vinnumati. - Skerðingar ef kenndir eru tveir eins áfangar verði afnumin, engin skynsamleg rök fyrir því að gjaldfella kennsluna með þeim hætti sem er í núverandi vinnumati. - Mat á áföngum kennara sé hið sama í upphafi skólaárs/ann
Lesa meira