Góðar fréttir

-
Undanfarnir dagar hafa verið annasamir en virkilega skemmtilegir, þannig finnst mér lífið ánægjulegast.

Í gær fimmtudag hafði ég tök á því að heimsækja nokkra framhaldsskóla á höfuðborgarsvæðinu. Átti gott samtal við kennara og stjórnendur í þessum skólum. Ég á alveg örugglega eftir að koma í þessa skóla og fleiri óháð því hvernig kosningar til formanns Félags framhaldsskólakennara fara, það er virkilega gefandi að hitta "kollega" og ræða málin.

Eftir hádegið í gær fór ég á ráðstefnu sem haldin var af Iðnemnnt, Vinnustaðanám í starfsnámi. Það er virkilega ánægjulegt að sjá jákvæða hluti sem eru að eiga sér stað innan iðngreina. Virkilega mikil framsýni og fagmennska á ferðinni hjá iðngreinunum og iðngreinakennurum. Á ráðstefnunni kom fram að við þurfum að efla iðngreinar og fjölga nemum, það gerist ekki nema við höldum í öfluga og vel menntaða kennara. Það er mikilvægt að við metum störf iðngreinakennara innan framhaldsskólanna - þeir eiga það skilið.
Iðnmenntaðir einstaklingar eru eftirsóttur starfskraftur óháð landamærum og launin eru góð. Iðnnám er einnig virkilega góður og mikilvægur undirbúningur fyrir frekara nám s.s. verkfræði og arkitektúr.

Í Fjölbrautaskóla Suðurlands höfum við verið með uppbrotsdaga Káta daga og Flóafár. Á Kátum dögum er skólastarf brotið upp og nemendum gefst kostur að taka þátt í fjölbreyttri dagskrá, sem kennarar og aðrir koma að. Meðal fyrirlesara á Kátum dögum þetta árið voru Salka Sól tónlistarkona og Vilborg Arna ofurkona. Salka Sól er frábær fyrirmynd fyrir ungmenni, hefur ekki látið mótstöðu stoppa sig. Hún er gefandi og nær til ungmenna, hvort heldur er með tali eða í gegnum tónlist.
Vilborg Arna hefur klifið hæsta tinda allra heimsálfa jarðar og farið á báða pólana!

Flóafárið er einstakur viðburður, þar skipa nemendur sér í lið og kennarar fara í búninga. Kennarar búa til þrautir sem lið nemenda leysa. Ómetanlegt að hafa tækifæri til þess að taka þátt í svona skemmtilegum viðburðum í skólastarfinu, þetta sameinar nemendur og kennara. Ég sá um þýsku-þrautina þetta árið ásamt samstarfskennara.













Að lokum langar mig að hvetja félagsmenn í Félagi framhaldsskólakennara til þess að kjósa sér formann til næstu fjögurra ára - óháð kyni. Ég hef unnið á "hefðbundnum" karla- og kvenna vinnustöðum undanfain 30 ár. Ég hef aldrei valið mér vinnustað eftir kynferði þeirra sem þar vinna eða eru í forystu stéttarfélags starfsmanna - ég er húmanisti!

Dagana 5. - 9. mars gefst okkur framhaldsskólakennurum tækifæri til þess að velja sér nýja forystu næstu fjögur árin - þið getið haft áhrif!!

Kveðja frá Selfossi

Ummæli

Skrifa ummæli

Vinsælar færslur af þessu bloggi

Vinnumat...og hvað svo?

-
Mynd
                                            Vinnumat framhaldsskólakennara hefur verið ein af ástæðum mikils ósættis innan stéttarinnar. Það er staðfest í könnun meðal félagsmanna FF, að þeir vilja vinnumatið burt. Ekki hefur verið vilji fyrir því að leyfa okkur að kjósa um framtíð vinnumatsins eins og sér, heldur eigum við að kjósa um kjarasamning í heild sinni. Hvaða atriði eru það sem framhaldsskólakennarar eru helst ósáttir við í tengslum við vinnumatið og þarf að beyta ef við getum ekki losnað við það? - Fjöldi nemenda í hópum er of mikill, hér þarf að lækka viðmiðin. Sé fyrir mér að hámarksfjöldi í bóklegum áfanga verði 22 nemendur og geti að hámarki verið 25. Nemandi 23 - 25 sé metinn með sanngjörnum hætti, mun betur en gert er í núverandi vinnumati. - Skerðingar ef kenndir eru tveir eins áfangar verði afnumin, engin skynsamleg rök fyrir því að gjaldfella kennsluna með þeim hætti sem er í núverandi vinnumati. - Mat á áföngum kennara sé hið sama í upphafi skólaárs/ann
Lesa meira

Tíðindi dagsins

-
Mynd
Alþýðusamband Íslands ákvað í dag að segja ekki upp kjarasamningum þrátt fyrir að 75% félagsmanna telji forsendubrest algjöran sem eigi að leiða til uppsagnar. Það má leiða að því líkum að forystan sé ekki í tengslum við félagsmenn. Félagsmenn eru eru tilbúnir að láta sverfa til stáls en forystan telur tímann ekki réttan. Hvenær er rétti tíminn? Er ekki kominn tími á að hlusta á félagsmenn en lúta ekki alltaf vilja viðsemjenda? Þetta minnir um margt á vinnubrögð sem viðhöfð hafa verið undanfarið kjörtímabil í Félagi framhaldsskólakennara. Formaður og stjórn eru ekki að ganga í takt við vilja félagsmanna og samþykktir aðalfunda: - Félagsmenn vilja ekki vinnumat, forystan vill festa það en betur í sessi. - Félagsmenn vilja lýðræðislegri vinnubrögð í ákvarðanatöku, forystan tekur ákvarðanir án heimilda. Við félagsmenn í FF gerum kröfu um breytt vinnubrögð, sýnum það með skýrum hætti í kosningum 5.- 9. mars. Kjósum Guðmund Björgvin og tryggjum breytingar í Félagi framhaldsskól
Lesa meira

Hver er Guðmundur Björgvin?

-
Mynd
Guðmundur Björgvin Gylfason heiti ég fullu nafni og er fæddur í Reykjavík 3. janúar 1972. Hef búið á Selfossi frá árinu 1991, er giftur Kristínu Björk Jóhannsdóttur deildarstjóra í sérdeild Suðurlands og eigum við saman fjögur börn og eitt barnabarn. Menntun, starfsferill og trúnaðarstörf:           Vann við smíðar að loknu námi í húsasmíði.           Starfaði í þjónustuíbúðum fyrir fatlað fólk og varð síðar forstöðumaður þar.           Lauk grunnskólakennaraprófi haustið 1999.          Starfaði við kennslu í grunnskóla í 11 ár sem umsjónarkennari, kenndi stærðfræði, samfélagsgreinar, smíði, heimilisfræði og sérkennslu.      Lauk námi í sérkennslu vorið 2009.           Hef starfað við kennslu á starfsbraut,  í Fjölbrautaskóla Suðurlands frá árinu 2009.         Hef setið í stjórnum þriggja sjóða KÍ; Orlofssjóði, vinnudeilusjóði og nú varamaður í stjórn sjúkrasjóðs. Frá árinu 2016 hef ég sinnt formennsku í Kennarafélagi Fjölbrautaskóla Suðurlands og verið trúnaðarmaður
Lesa meira